STORY TALE…

Pagi merdika ku huhu amat melucukan bagi merika yg suka ketawa haha tidak penat semalaman guyu2 nah kau bejalan lagi hehehe… awal pagi amoi kiut ni call sa buat budu ja pura2 indak dingar tapi inda sampai hati sa terpaksa juga la sambut.. hehe nah kaww awal pagi dia bawa p mamam sup ikan sana beverly bah aku pun apa lagi sama kazen ni bangun juga sbb dingar makan sup semangat terus muahahha sian sa tingu kazen sa yg muka ngantukkk tu kekekeke…

Lepas mandi then sedia2 semua nah kami pun bejalan p mamam, sampai sana betunggu da 2 amoi tapi time tu durang sudah abis makan jadi kamu pun lantak la makan juga biar la durang tingu2 lapar punya pasalll ging… haha

bah paham2 ja la kio sa ni suka kasi pindik sorita lepas makan dan talk2 time makan tiba2 ada pop up di kepala amoi kiut dia lang jum p kebun kakak sa makan rambutan bah sa pun apa lagi terus ja bilang OK hehehe kazen sa pun bilang ok ja tapi muka dia ngantuk abiss sbb terlalu guyu2 hahaha … tapi pasal rambutan semangat juga kami ni ….

Lepas plan2 gini gitu ok kami pakai satu kurita ja p kabun kakak si kiut ni endak ku ingat jam berapa masa tu tapi yg pasti mmg pagi lagi la hahahaha ok short cut lagi kami sampai sana kabun kakak si kiut nampak da buah mirah2 hehehe tapi yg kin soi time tu sa teda bawa sipek jadi kabur2 la pandangan sa kekeke…

sampai ja sana kami karual kerita then duduk kijap keluarga si amoi kiut ni petik2 buah rambutan utk di jual di tamu kunun banyakkkk woooo mmm beliur sa ingat hehe… lepas duduk2 kijap kami pun p runda2 sana pukuk rambutan lepas runda2 kami begambar cam si taie2 posing sana pukuk rambutan heheheheh indak pisaya bah ada tu gambar pandai2 la kamu cari…..then kami balik lagi p rumah duduk kijap… doii gia kekanyangan sa wooo sudah la makan sup ikan then  makan rambutan mau inda sa tabirak time tuuu heheheheheheheh…

lepas kami duduk2 kijap then kakak c kiut bilang ambil kamu palasitik p petik sendiri tu rambutan utk bawa balikkk nahhhhh dalam hati sa oh  yesssssssss bebeh hehe indak melingah kan kaki ku bergerak terus ku bejalan paling dapan semangat buah rambutan kunun hehe time petik buah rambutan tu sempat la juga sa minta puji begambar lagi ada juga sa tepanjat pukuk tu doii kalau gugur buah rambutan tu ehemm paham2 ja la ahhh kekekekek ohh tidakkk aku tak bersalahhhh hahahah… time ambil buah tu hujan sikit2 kama tapi mau juga juluk2 haha nasib poh abg om tulung2 kalau indak entah la sa kali di atas pukuk tu jadi mungki heheh…..

ok pindik lagi sorita sudah itu ini itu ini kami pun balik tapi tidak juga balik rumah terussss ada juga sisip2 sini sana hahahahahahah adehh sukup la sa malas da sorita ni cuma satu ja harapan sa SAMUGA KAMU JELOS LA TINGU TU GAMBAR KAMI NAIK PUKUK RAMBUTAN hahahahah

janga marahhhh ahhhhh…… NOT TO BE CONTINUE N HERE TUT…….. SISTEM RUSAK.. MINTA MAHAP…..

SEKIAN DAN TERIMA KACI…. kui kui kui

This entry was posted on Thursday, September 7th, 2006 at 3:18 am and is filed under Uncategorized. You can follow any responses to this entry through the RSS 2.0 feed. You can skip to the end and leave a response. Pinging is currently not allowed.